ÖLKƏ QHT-LƏRİ NƏ EDİR?
YANVAR-MART 2004 |
YANVAR
- "Təkamül Assosiasiyası" əvvəl məhkum olunub
sonra azadlığa çıxmış 25 qadına hüquqi yardım etmək məqsədilə Böyük
Britaniya hökumətinin maliyyə dəstəyi ilə yanvar ayından etibarən
yeni QHT yaradılmasını nəzərdə tutan 3 aylıq layihənin icrasına
başlayıb.
- Soros Fondunun "Şərq-Şərq" proqramı çərçivəsində
qadın problemləri ilə məşğul olan QHT rəhbərləri Türkiyədən səfərdən
qayıtdıqdan sonra Bakı Mətbuat Klubunda mətbuat konfransı keçirdilər.
- Milli QHT Forumunun (MQF) prezidenti Azay Quliyev
mətbuata QHT üçün "İlin ən yaxşı QHT-si" mükafatının veriləcəyini
açıqladı.
- Nizami Mətbuat Klubunda QHT Konqresinin sədri Əli
Quliyev "Hüquqi şəxslərin dövlət qeydiyyatı və reyestri haqqında
qanun layihəsinin Milli Məclisdə 3-cü oxunuşdan sonra qəbul edilməsi
barədə mətbuat konfransı
keçirdi.
- "Tolerans İnsan Hüquqlarının Müdafiəsi İctimai
Birliyinin" təsisçisi Asian İsmayılov Beynəlxalq Mətbuat Mərkəzində
(BMM) QHT-lərin qeydiyyata alınmasında yaranan problem- lərlə bağlı
toplantı düzənlədi.
- Demokratik Seçki Mərkəzinin rəhbəri Rauf Zeyni,
qurum üzvləri Sərvər Məsum və İlqar İlkin Gürcüstan Mərkəzi Seçki
Komissiyasının dəvəti ilə orada keçirilən prezident seçkilərini
müşahidə etdikdən sonra Bakıda nəticələr barədə mətbuat konfransı
keçirdilər.
- İnsan Hüquqları və Vətəndaş Cəmiyyəti Naminə İctimai
Birliyin təşəbbüsü ilə Bakı Mətbuat Klubunda (BMK) Azərbaycanın
Avropa Şurasına üzvlüyü, götürülən öhdəliklər haqqında dəyirmi masa
təşkil edildi.
- Azərbaycan Naminə Hərəkat 26 fevral Xocalı soyqırımı
ilə bağlı etiraz aksiyaları keçirilməsi üçün təşkilat komitəsi yaradılması
təşəbbüsü ilə çıxış etdi.
- MQF "QHT-lərin fəaliyyəti haqqında dövlət
proqramı geri qaytarıldıqdan sonra müəyyən təkliflər irəli sürəcəyini
bildirdi.
- İnsan Haqları və Qanunçuluğun Müdafiəsi Bürosunun
sədri Səidə Qocamanlının keçmiş məktəb direktoru Mirfaiq Mirheydərlinin
verdiyi şikayət ərizəsi əsasında Səbayel Rayon Məhkəməsində işinə
başlandı.
- Milli Ekoloji Proqnozlaşdırma Mərkəzinin prezidenti
Telman Zeynalov BMK-da QHT və ictimai birliklərin fəaliyyətini gücləndirmək
məqsədilə İctimai Nəzarət Qurumunun yaradılması haqqında məlumat
verdi.
- bp-nin Biznes Mərkəzində MQF Diaspor Mərkəzinin
təşəbbüsü ilə "Heydər Əliyev və dünya azərbaycanlıları"
mövzusunda dəyirmi masa gerçəkləşdirildi.
- Hüquq müdafiəsi ilə məşğul olan təşkilatların rəhbərləri
15-16 oktyabr hadisələrində təqsirləndirilənlərin məhkəməsində iştirak
edə bilmək üçün prezidentə müraciət ünvanlayıblar.
- Telman Zeynalov mətbuata QHT-lərin bp-nin investisiya
qoyuluşundan narazı olduqlarını bildirdi.
- Tərxis Olunmuş Hərbçilərin Gəncləri Maarifləndirmə
İctimai Birliyi BMM-də "20 Yanvar faciəsi xalqımızın qan yaddaşıdır
mövzusunda dəyirmi masa keçirdi.
- BMM Avrasiya Fondunun maliyyə dəstəyi ilə "KİV
və hökumət layihəsi çərçivəsində" Azərbaycanda hökumət və KİV
mövzusunda toplantı düzənlədi.
- "İnam" Plüralizm Mərkəzinin rəhbəri Vahid
Qazi Fərqanə vadisindəki yerli QHT-lərin fəaliyyətilə tanış olmaq
və gələcək əməkdaşlıq perspektivlərini müəyyənləşdirmək məqsədilə
Özbə-kistana və Qırğızıstana səfər etdi.
- "Vətəndaş cəmiyyəti uğrunda Müstəqil Məsləhət
və Yardım Mərkəzi BMM-də" Seçki kampaniyasının təşkilində KİV-in
rolu mövzusunda seminar təşkil etdi.
- Gənclər üçün Təhsil Mərkəzi "Kimsəsizlərə
qayğı" proqramının tərkib hissəsi kimi eyniadlı şəbəkə yaratdı.
- MQF rəhbəri Azay Quliyev və digər QHT rəhbərləri
prezidentə təşkilatlarının keçdiyi yol, əldə edilən uğurlar, problemlər
əks olunan məktub ünvanladılar.
- Gənc Hüquqşünaslar Birliyi "Azərbaycanda və
Şimali Qafqazda qaçqınlara dair qanunvericilik və gender məsələləri"
adlı bir aylıq layihənin icrasına başladı.
- Gənclər Təşkilatları Resurs Mərkəzinin təmsilçisi
Elməddin Behbud təhsilin hazırkı durumu və problemləri ilə bağlı
90 nəfər arasında keçirdikləri sorğunun nəticələrini açıqladı.
- Qarabağ Qaziləri Birliyinin üzvləri Avropa Şurasına
qurumun rəhbəri Etimad Əsədovun azadlığa buraxılması üçün müraciət
ünvanladı.
- Azərbaycan Gənclərinin Avroatlantika təşkilatı
yaradıldı. Qurum azərbaycanlı gənclərin Avroatlantika qurumlarına
inteqrasiyası üçün fəaliyyət göstərəcək.
- Hüquq müdafiəçiləri 15-16 oktyabr hadisələrində
həbs edilənlər barədə qəti imkan tədbirlərinin dəyişdirilməsi xahişi
ilə daxili işlər naziri Ramil Üsubov və baş prokuror Zakir Qaralovla
görüşdülər.
- BMM-də Qarabağ Azadlıq Təşkilatının (QAT) "Qarabağ
harayı yazı müsabiqəsinin qalibləri mükafatlandırıldı.
- Müstəqil Hüquqşünaslar Liqası BMK-da "Andlılar Məhkəməsi"
mövzusunda seminar keçirdi.
- Murov Döyüşçülər Cəmiyyəti 2 Fevral - Gənclər günü
münasibətilə "Müasir gənclik və hərbi vətənpərvərlik mövzusunda
dəyirmi masa gerçəkləşdirdi.
FEVRAL
- "Lotos Əlilliyin Dərki və Təlim Mərkəzi"
Gənc əlillərin beynəlxalq şəbəkəsi - müfəssəl təhsil uğrunda adlı
layihəsini təqdim etdi.
- Azərbaycan hüquq müdafiəçiləri Avropa Şurası Nazirlər
Komitəsinin Aqo qrupunun üzvləri ilə görüşdülər.
- Azərbaycan Gənc Sahibkarlar Assosiasiyası "Azərbaycanda
gənc sahibkarlığın inkişafı" çərçivəsində Heydər Əliyev iqtisadi
siyasətinin gerçəkləşdirilməsi perspektivləri mövzusunda dəyirmi
masa keçirdi.
- "İnam Plüralizm Mərkəzinin" rəhbəri Vahid
Qazi bir qrup QHT təmsilçisi ilə Demokratiya uğrunda 3-cü Ümumdünya
Assambleyasında iştirak etmək üçün CAR-ın Durban şəhərinə getdi.
- Soros Fondu BMK-da illik hesabat verdi.
- Gənc Hüquqşünaslar Birliyi Amerika Hüquqşünaslar
Assosiasiyasının maliyyə dəstəyi ilə gənclərin mülki və siyasi hüquqlarına
dair məlumat sessiyası keçirdi.
- "Puls-R Sosioloji Xidməti" bir il ərzində
apardığı sorğunun nəticələrini BMK-da elan etdi.
- Vətən Müharibəsi Veteranları Birliyinin sədri Füzuli
Rzaquliyev veteranların Qarabağ probleminin həlli məqsədilə aparılan
sülh danışıqlarının uğurlu olması üçün Azərbaycanın öz hərbi gücünü
nümayiş
etdirməsi təklifi ilə çıxış etdi.
- Sərhədsiz Jurnalistlər Birliyi bir neçə nominasiya
üzrə mükafatlar təqdim etdi.
- "Ümidli gələcək Gənclər Təşkilatı" UNİSEF-in
maliyyə dəstəyi ilə gerçəkləşdirdiyi "Valideyn-müəllim assosiasiyalarının
yaradılması" layihəsi çərçivəsində tədbir keçirdi.
- Azərbaycan Mətbuat Şurasının növbəti iclası keçirildi.
- "Sel Analitik İnformasiya və Sorğu Mərkəzi
prezident İlham Əliyevin fəaliyyətinin 100 gününə həsr edilmiş sorğunun
nəticələrini elan etdi.
- Siyasi İnnovasiya və Texnologiyalar Mərkəzinin
rəhbəri Mübariz Əhmədoğlu 2004-cü ilin ilk ayında dünyada və Cənubi
Qafqaz dövlətlərində baş verən hadisələrlə bağlı hesabat açıqladı.
- BMM-də Qarabağ Azadlıq Təşkilatı (QAT) "Erməni
təcavüzünün aradan qaldırılmasına dair yeni təkliflər və ziddiyyətli
məqamlar" mövzusunda dəyirmi masa keçirdi.
- Bütöv Azərbaycan Birliyi BMM-də "Azərbaycan
davası beynəlxalq hüquqa görə mövzusunda elmi-praktik konfrans keçirdi.
- Azərbaycandakı hüquq müdafiəçiləri ABŞ-ın ölkəmizdəki
səfirliyində görüşdə oldular.
- Qarabağ Qazilər Birliyinin sədri Etimad Əsədovun
və Oruc Məmmədəliyevin hüquqlarını müdafiə komitəsi yaradıldı.
- Milli Qəhrəmanları Tanıtma İctimai Birliyi BMM-də
milli qəhrəmanların plakatlarını təqdim etdi.
- Helsinki Vətəndaş Assambleyası Azərbaycan Milli
Komitəsinin tibb komissiyasının üzvləri mətbuat konfransı keçirdilər.
- Azərbaycan Millətçi Hərəkatının təşkilat komitəsinin
rəhbəri Arif Paşanın BMK-da mətbuat konfransı oldu.
- BMM-də Humanitar Tədqiqatlar Cəmiyyətinin təsis
etdiyi "Azərbaycanda insan hüquqları jurnalının ikinci ilinə
həsr edilən toplantı oldu.
- Azərbaycanda fəaliyyət göstərən QHT-dən 114-ü "Human
Rights Wa-ch təşkilatının prezident seçkiləriylə bağlı hesabatına
etirazını bildirdi.
- Qadın Hüquqlarını Müdafiə Komitəsi CRS və USAİD-in
köməyi ilə "Azərbaycanda vətəndaş cəmiyyətinin inkişafı proqramı
çərçivəsində tədbir keçirdi.
- Azərbaycan Hüquq Müdafiə Təşkilatları Federasiyası
yazıçı-deputat Maqsud İbrahimbəyovun Andreas Qrossu tənqid etməsi
ilə bağlı bəyanat yaydı.
- Həmrəylik Jurnalistlər Birliyinin qurultayı keçirildi.
- Milli Dirçəliş Hərəkatının təşkilat komitəsi şəhid
ailələrinin himayə olunması ilə bağlı toplantı keçirdi.
- Müstəqil Hüquqşünaslar Liqasının Andlılar Məhkəməsi
ilə bağlı BMK-da növbəti seminarı oldu.
- BMK-da Təhsildə İslahatlar Mərkəzinin ilk dəyirmi
masası keçirildi.
- "Dünya ana və uşaqları İctimai Birliyi BMM-də
Xocalı faciəsinin 12-ci ildönümünə həsr edilən dəyirmi masa keçirdi.
- Azərbaycan Naminə Hərəkatın Koordinasiya Şurasının
sədri İlqar Qasımov mətbuat konfransı təşkil etdi.
- Qarabağ Azadlıq Təşkilatı (QAT) Xocalı faciəsi
ilə əlaqədar "Analar döyüşə çağırır devizi altında qadınların
forumunu keçirdi.
- Azərbaycan Naminə Hərəkat "Ermənistan-Azərbaycan
münaqişəsi və Dağlıq Qarabağ probleminin ədalətli həllinin əsas
prinsipləri mövzusunda dəyirmi masa təşkil etdi.
- BMM-də Qadınlar Sülh və Ekoloji Təmizlik Uğrunda
İctimai Birliyinin təşəbbüsüylə Xocalı faciəsi ilə bağlı toplantı
oldu.
- İnsan Hüquqları və Vətəndaş Cəmiyyəti Naminə İctimai
Birlik BMM-də "Xocalı soyqırımı və insan hüquqları mövzusunda
dəyirmi masa keçirdi.
- Azərbaycanlı zabit Ramil Səfərovun hüquqlarını
müdafiə komitəsi yaradıldı.
- Qarabağ Azadlıq Təşkilatı "Gənclər döyüşə
hazırdır devizi altında forum keçirdi.
- "Gülüm Uşaq Ekoloji Təşkilatı və "Ekoestetik
Uşaq Estetik Mərkəzinin iştirakı ilə Bakıda beynəlxalq uşaq rəsmləri
festivalı keçiriləcəyi barədə mətbuata məlumat verildi.
- "Vətəndaş cəmiyyəti uğrunda Müstəqil Məsləhət
və Yardım Mərkəzi mətbuata xarici donor təşkilatların Azərbaycana
marağının azaldığını açıqladı.
- Müstəqil Təhqiqat Mərkəzi milli siyasi barışıq
konsepsiyası hazırladı.
- Azərbaycan Naminə Hərəkat Xocalı soyqırımı ilə
bağlı "Hyatt Regency mehmanxanasında toplantı keçirdi.
- Vətəndaşların Əmək Hüquqlarının Müdafiəsi Liqasının
sədri Sahib Məmmədovun döyülməsi faktı ilə bağlı Yasamal Rayon Polls
İdarəsinin təhqiqat şöbəsində araşdırmalar aparıldı.
- Gənclərin Nailiyyəti Təşkilatı gerçəkləşdirdiyi
layihə çərçivəsində 220 saylı orta məktəbə kompüter bağışladı.
- Zabit Ramil Səfərovu müdafiə edən təşkilatların
Koordinasiya Şurası yaradıldı.
- Sülh və Demokratiya İnstitutunun direktoru Leyla
Yunus "Azərbaycanda siyasi məhbusların problemləri mövzusunda
mətbuat konfransı keçirdi.
- Mediada Müxtəliflik İnstitutu "Yeni nəsil
Jurnalistlər Birliyi ilə birlikdə azərbaycanlı jurnalistlər üçün
3 günlük seminar keçirdi.
- Almaniya Texniki Əməkdaşlıq Cəmiyyəti azərbaycanlı
jurnalistlər üçün "Mülki işlərin işıqlandırılması mövzusunda
3 aylıq treninq-seminara başladı.
- Xətai Fondu Şah İsmayıl Xətaiyə həsr olunmuş sərgi
təşkil etdi.
- Türkiyədə fəaliyyət göstərən "ABAD Azərbaycan
təşkilatı Xocalı faciəsi ilə bağlı silsilə tədbirlər gerçəkləşdirdi.
- "ABAD Azərbaycan təşkilatı Xocalı faciəsinin
beynəlxalq arenada soyqırım kimi tanınması üçün Haaqa məhkəməsinə
müraciət etdi.
MART
- QHT Konqresi və Demokratik Seçkilərə Yardım Mərkəzinin
təşəbbüsü ilə bələdiyyə üzvləri üçün 3 günlük treninq keçirildi.
- "İnam" Plüralizm Mərkəzi "ABŞ iqtisadiyyatı",
"ABŞ dövləti" və "Demokratiya məqalələri" adlı
kitabların ingilis dilindən tərcüməsini başa çatdırdı. Kitablar
ABŞ səfirliyinin maliyyəsilə nəşr olunacaq.
- Demokratiyanın İnkişafı Fondunun sədri Fuad Mustafayev
və hüquq müdafiəçisi Səidə Qocamanlı BMK-da ABŞ Dövlət Departamentinin
Azərbaycanda insan haqlarının vəziyyətinə dair illik hesabatı ilə
bağlı mətbuat konfransı keçirdilər.
- Azad Cəmiyyət Uğrunda İctimai Birlik sənədlərini
Ədliyyə Nazirliyinə təqdim etdi.
- Azərbaycan Ziyalı Hərəkatının "Azərbaycan
ziyalıları adlanacağı bildirildi.
- Vətəndaşların Əmək Hüquqlarını Müdafiə Liqası Sahib
Məmmədovun aldığı qrantı qeydiyyatdan keçirdi.
- MQF-də zabit Ramil Səfərovun hüquqlarını müdafiə
komitəsinin Koordinasiya Şurasının növbəti toplantısı oldu.
- Azərbaycan Jurnalistlər Konfederasiyasının təşkilatçılığı
ilə "KİV dili mövzusunda dəyirmi masa keçirildi.
- "Yeni nəsil Jurnalistlər Birliyinin təşkilatçılığı
ilə "İnformasiya azadlığı haqqında qanun layihəsi müzakirə
olundu.
- QHT Konqresinin rəhbəri Əli Quliyev xarici donorların
ölkəmizə marağının azalmasının QHT-ləri iflic vəziyyətinə sala biləcəyini
və dövlət strukturlarının bununla məşğul olmalarının vacibliyini
qeyd etdi.
- Helsinki Vətəndaş Assambleyası Azərbaycan Milli
Komitəsinin təşəbbüsü ilə jurnalistlər üçün treninq keçiriləcəyi
barədə məlumat verildi.
- Qarabağ Azadlıq Təşkilatının sədri Akif Nağı azərbaycanlı
zabit Ramil Səfərovun müdafiəsi ilə bağlı narazılığını və məsələ
ilə əlaqədar bir neçə yerdə etiraz aksiyası keçiriləcəyini bildirdi.
- Müstəqil Təhqiqatlar Mərkəzinin rəhbəri İlqar Altay
ADP-nin həbsdə olan baş katibi Sərdar Cəlaloğlunun fəaliyyəti ilə
bağlı təhlillərini jurnalistlərə təqdim etdi.
- Azad İstehlakçılar Birliyinin (AİB) sədri Eyyub
Hüseynov BMK-da mətbuat konfransı keçirdi.
- Azərbaycandan Kənarda Təhsil Almış Mütəxəssislərin
Təşkilatı "Qarabağ, torpaq və insanlar adlı kompakt diskin
təqdimat mərasimini təşkil etdi.
- Bütöv Azərbaycan Birliyinin sədr müavini Arzu Səməd-bəyli
bu qurumla DAK-ın birləşməsi üçün tərəflərin bir araya gələcəyini
bildirdi.
- ADP Müstəqil Təhqiqatlar Mərkəzinin rəhbəri İlqar
Altayı məhkəməyə verdi.
- Müstəqil Memarlar Assosiasiyası tarixi abidələrin
qorunmasında yaranmış problemlərlə bağlı prezidentə müraciət ünvanladı.
- Sahibkarlar Təşkilatları Milli Konfederasiyası
illik hesabat verdi.
- Neftçilərin Hüquqlarını Müdafiə Komitəsi BTC neft
kəmərinin çəkilişi ilə bağlı apardığı monitorinqin nəticələrini
açıqladı.
- Miqrantlara Hüquqi Yardım Mərkəzi qadınlara qarşı
zorakılığa, həmçinin cinsi köləlik və digər məqsədlərlə qadın və
uşaq alverinə şərait yaradan halları aradan qaldırmağa çağıran bəyanat
yaydı.
- Azərbaycan Demokratik Tələbə Gənclər Təşkilatı
Gəncə körpələr evində xeyriyyə aksiyası keçirdi.
- Azərbaycan Naminə Hərəkatın üzvləri Ermənistanın
Moskvadakı səfirliyi qarşısında işğal olunmuş torpaqların azad edilməsi,
BMT-nin Təhlükəsizlik Şurasının Qarabağa aid qəbul etdiyi 4 qətnamənin
yerinə yetirilməsi tələbləri ilə etiraz aksiyası keçirdi.
- İFES Şəkidə gənc müəllimlər üçün Demokratiya Düşər-gəsi
yaradılacağı haqda məlumat verdi.
- Azərbaycan Respublikası Ərazilərin Minalardan Təmiz-lənməsi
üzrə Milli Agentlik (ANAMA) BMT-nin İnkişaf Proqramı və Azərbaycan
hökuməti ilə birgə ölkədə mina təmizləmənin durumu barədə brifinq
keçirdi.
- "Exxon - Azərbaycan Əməliyyat Şirkəti cənub
rayonlarında yerləşən qaçqın düşərgələrində uşaq ensiklopediyasını
payladı.
- Demokratik Seçkilərə Yardım Mərkəzi Sorosun "Şərq-Şərq
proqramı çərçivəsində Polşanın "Partners ictimai qurumu ilə
birgə "Bələdiyyə maarifçilik məktəbinin yaradılması layihəsi
çərçivəsində növbəti tədbir keçirdi.
- Hemofiliyalı Xəstələr Assosiasiyasından mətbuata
verilən məlumatda bildirildi ki, qurum 17 aprel Beynəlxalq Hemofiliya
xəstəliyi günü ilə əlaqədar tədbirlər həyata keçirməyə hazırlaşır.
- "Yayım Assosiasiyasının prezidenti Yaşar Zeynalov
ölkə üzrə mətbuat yayımının vəziyyəti ilə bağlı konfrans keçirdi.
- Bir sıra QHT rəhbərləri azərbaycanlı zabit Ramil
Səfərovun məhkəməsinin Azərbaycanda keçirliməsi üçün beynəlxalq
təşkilatlara müraciət etdi.
- Azərbaycan Internet Forumunun rəhbəri Osman Gündüz
milli internet ünvanlarının qeydiyyatı sahəsində xoşa-gəlməz vəziyyətlərlə
əlaqədar mətbuat konfransı keçirdi.
- "Həmrəylik Jurnalistlər Birliyi media nümayəndələrinə
sarı kartların verilməsi ilə bağlı dəyirmi masa gerçəkləşdirdi.
- Mətbuat Şurası qurumun ikinci qurultayı ilə bağlı
növbəti iclas keçirdi. - "İnternyus Amerika QHT-nin nəzdində
fəaliyyət göstərən "Qlobal internetin siyasi təşəbbüsü layihə
qrupu "Azərbaycan elektron biznesinin hüquqi aspektləri. Avropa
Parlamenti və Avropa İttifaqının tövsiyələri mövzusunda dəyirmi
masa təşkil etdi.
- Bakı Dirçəliş İttifaqı Azərbaycan Milli Elmlər
Akademiyasının İnsan Hüquqları İnstitutu ilə birgə erməni terrorçularının
1994-cü il martin 19-da metronun "20 Yanvar stansiyasında törətdikləri
aktın 10-cu ildönümü ilə əlaqədar dəyirmi masa keçirdi.
- Qarabağ Azadlıq Təşkilatı azərbaycanlı zabit Ramil
Səfərovun internet saytını yaratdı.
- Almaniya Texniki Əməkdaşlıq Cəmiyyəti "Hüququn
KİV-də yayılması proqramı çərçivəsində "Fərdin Azərbaycan Konstitusiya
Məhkəməsinə müraciət hüququ mövzusunda müsabiqə elan etdi.
- Mətbuat Şurası qurumun apreldə keçiriləcək ikinci
qurultayına hazırlıq işləri üzrə təşkilat komitəsi yaratdı.
- Azərbaycan Mədəniyyət Fondunda "Teatr dünən,
bu gün və sabah mövzusunda dəyirmi masa keçirildi.
- "Krizis mərkəzi və "İnternyus Avrasiya
Fondunun dəstəyi ilə evdə zorakılıq, boşanma, əmlakın bölünməsi,
QİÇS, zöhrəvi xəstəlik və digər mövzuları əhatə edən bədii-sənədli
teleserial layihəsini reallaşdırmağa başladı.
- Azərbaycan Gənclərinin Nailiyyəti Təşkilatı "Hyatt-Regency
mehmanxanasında "Məktəbli-tələbə şirkətlər qrupunun təqdimat
mərasimini keçirdi.
- Qarabağ Qazilər Birliyi qurumun rəhbəri Etimad
Əsədovun azadlığa buraxılmasına kömək göstərməsi üçün Avropa Şurasının
baş katibi Valter Şvimmerə müraciət etdi.
- Qarabağ Azadlıq Təşkilatının sədri Akif Nağı ATƏT-in
Azərbaycan və Ermənistan silahlı qüvvələrinin təmas xəttində monitorinq
keçirməsi ilə razılaşmadığını bildirdi.
- Azərbaycan Skautlar Assosiasiyası mətbuat konfransında
Avrasiya skautlarının 2-ci konfransının Bakıda təşkil olunacağını
bildirdi.
- Milli Qeyri-Hökumət Təşkilatları Forumu "Azərbaycan
rəmzlərini necə qoruyuruq mövzusunda dəyirmi masa keçirdi.
- Azərbaycan Sahibkarlar (İşəgötürənlər) Təşkilatları
Milli Konfederasiyası Beynəlxalq Əmək Təşkilatı ilə birgə "Hyatt-Regency
mehmanxanasında "Azərbaycanda sosial dialoq və məşğulluq mövzusunda
iki günlük seminar keçirdi.
- Seçki Monitorinq Mərkəzi seçki komissiyasının tərkibinin
dəyişdirilməsi ilə bağlı müzakirələrin başlaması təklifini irəli
sürdü.
- Qarabağ Azadlıq Təşkilatı 31 Mart - Azərbaycanlıların
soyqırımı günü ilə bağlı qaçqın və məcburi köçkünlərin forumunu
təşkil etdi.
- Azərbaycan Jurnalistlər Konfederasiyası "Reket
jurnalistikaya qarşı mübarizə mövzusunda dəyirmi masa keçirdi.
- Azad Jurnalistlər Birliyi İdarə Heyətinin bir qrup
üzvü ABŞ Milli Demokratiya İnstitutunun Beynəlxalq Əlaqələr üzrə
Proqramının məsul işçisi Adrianna Stonla görüşdü. Görüşdə 2003-cü
ilin 15 oktyabrında keçirilən prezident seçkilərindən sonra Azərbaycanda
yaranmış ictimai- siyasi durum, mətbuatın vəziyyəti, seçkilərdən
sonra jurnalistlərin qarşılaşdığı təzyiqlər, müstəqil mediaya qarşı
repressiyalar başlıca müzakirə mövzusu oldu.
Hazırladı: Günel Səmədova
|
