FƏXRİ ŞURA:

Mustafa Cəmiloğlu
(Ukrayna)

İrfan Çiftçi
(Turkey)

Eric Chenoweth
(USA)

Miljenko Dereta
(Serbia)

Ivlian Haindrava
(Georgia)

Irena Lasota
(USA)

Stojan Obradovic
(Croatia)

Ramiz Rövşən
(Azərbaycan)

Tadeusz Swietochowski
(USA)

Petruska Sustrova
(Czech Republic)

Jersy Targalsky
(Poland)

TƏQDİMAT

Aida Baqirova

Bu gün dünyanın nəzərləri yenidən İraqa dikilib. 2003-cü ilin aprelində ABŞ Silahlı Qüvvələrinin başçılığı altında beynəlxalq hərbi güclərin İraqa müdaxiləsini ciddi müqavimətlə qarşılamayan və bəlkə də avtoritar Səddam Hüseyn rejiminin devrilməsinə sevinən Iraq xalqı düz bir il sonra ABŞ və onun müttəfiqlərinə qarşı geniş mübarizə hərəkatına başladı. İndi demək olar ki, hamı çoxlarını, xüsusilə ABŞ administrasiyasını şoka salan bu hadisələrin kökləri və səbəblərini araşdırmaqla məşğuldur.

Bu baxımdan tarix elmləri namizədi Aidə Bağırovanın "Adiloğlu nəşriyyatı tərəfindən nəşr edilən "İraqın xarici siyasəti (1968-2003-cü illər) adlı kitabı ciddi maraq doğurur. Rus dilində yazılmış bu monoqrafiyada BƏƏS partiyasının hakimiyyəti (1968-2003-cü illər) dövründə İraqın yeritdiyi xarici siyasətin formalaşma mərhələləri və onun əsas istiqamətləri tədqiq obyektinə çevrilmişdir. Həmin dövrdə İraqın Yaxın Şərq regionu, Qərb dövlətləri və keçmiş SSRİ başda olmaqla, digər sabiq sosialist ölkələriylə münasibətlərinin dinamikası xarakterizə edilmiş və bu siyasət kursunun təkamül istiqamətləri müəyyənləşdirilmişdir.

Müəllifin fikrincə, BƏƏS iqtidarının ilk on ilində hakim partiyanın yeritdiyi xarici siyasətin başlıca vəzifəsi Iraqi tədricən ərəb dünyasının lider dövlətinə və bütün Yaxın Şərqdə yeganə güc mərkəzinə çevirmək olmuşdur. Bu məqsədlə ölkədə siyasi rəhbərliyin möhkəmlənməsinə və daxili vəziyyətin stabilliyinin təmin olunmasına çalışılmışdır.

80-ci illərin əvvəllərindən S.Hüseyn İraqın ərəb dünyasının "xüsusi missiyasından danışmağa başlamışdır. Körfəzdə lider dövlətə çevrilmək iddiasının inkişafı 8 illik İran-İraq müharibəsiylə nəticələnmişdir. Ancaq bu silahlı münaqişə nəinki İraqın regionda və beynəlxalq aləmdəki mövqelərini möhkəmlətməmiş, əksinə, ona güclü zərbə vurmuşdur.

1990-cı ildə Küveytin işğal edilməsi isə Iraq rejimi tərəfindən həyata keçirilən ekspansionist siyasətin və S.Hüseynin ambisiyalarının iflasının başlanğıcını qoymuşdur. ABŞ-ın rəhbərliyi altında çoxmillətli koalisiyanın həyata keçirdiyi "Səhrada fırtına əməliyyatı nəticəsində ölkənin silahlı qüvvələri darmadağın edilmiş və Iraq beynəlxalq birliyin ciddi sanksiyaları ilə üz-üzə qalmışdır.

Bütün bunlardan heç bir nəticə çıxarmayan Iraq iqtidarı yeritdiyi xarici siyasətin sonunda bu ölkənin ABŞ və digər beynəlxalq güclərin terrorizmə qarşı mübarizədə başlıca hədəfinə çevrilmiş və İraqın işğalına, BƏƏS partiyası və onun lideri S.Hüseynin isə birdəfəlik siyasi arenadan kənarlaşdırılmasına gətirib çıxarmışdır.
Son 35 ildə İraqın tarixini təkbaşına yazmağa cəhd göstərən təkpartiyalı avtoritar bir rejimi iflasa sürükləyən səbəbləri anlamaq istəyirsinizsə, hökmən bu kitabı oxuyun!