"MƏDƏN SƏNAYESİNDƏ ŞƏFFAFLIĞIN ARTIRILMASI"
KOALİSİYASI |
Azərbaycan qeyri-hökumət qurumlarının nümayəndələri,
ökənin təbii sərvətlərinin istismarından əldə edilən gəlirlərə və
onların istifadəsinə ictimai nəzarəti təşkil və təmin etmək üçün
13 may 2004-cü ildə "Mədən sənayesində şəffaflığın artırılması"
koalisiyasını yaratdı və memarendum imzaladılar.
Bu təşəbbüs Azərbaycan Respublikası Konstitusiyasının
"Hakimiyyətin mənbəyi (1-ci maddə)", "Təbii ehtiyatlar (14-cü maddə)",
"Məlumat azadlığı (50-ci maddə)", "Dövlətin idarə olunmasında iştirak
(55-ci maddə)" və "Birləşmək hüququ (58-ci maddə)" maddələrinə əsaslanır.
Koalisiyanın məqsədləri:
-
Təbii sərvətlərin istismarından əldə olunan və Azərbaycanın
payına düşən gəlirlərin tam həcmdə dövlətə çatması, onların
etibarlı saxlanması və səmərəli istifadəsinə ictimai nəzarətin
təşkili və həyata keçirilməsi;
-
Təbii sərvətlərin istismarı və əldə olunan gəlirlər barədə
Azərbaycan vətəndaşlarının məqbul səviyyədə məlumatlandırılması
üçün müvafiq tədbirlərin həyata keçirilməsi və o cümlədən dövlət
orqanları və şirkətlərin bu sahədə fəaliyyətinə ictimai nəzarətin
təşkili və həyata keçirilməsi;
-
vətəndaş cəmiyyəti institutlarının şəffaflıqla bağlı səylərinin
birgə fəaliyyət formasına keçirilməsi və onların sayəsində ictimai
fəallığın yüksəldilməsi;
-
Böyük Britaniya hökumətinin elan etdiyi və Azərbaycan hökumətinin
qoşulduğu "Mədən sənayesində şəffaflıq" təşəbbüsü”ndə Azərbaycan
ictimai qurumlarının təmsil edilməsidir.
Fəaliyyət prinsipləri:
Əməkdaşlığa açıqlıq. Koalisiya istənilən dövlət,
qeyri-hökumət qurumları, KİV-lər, beynəlxalq QHT, ictimai xadimlər,
alimlər, mütəxəssislər və sairə ilə əməkdaşlıq etməyə hazırdır.
Qeyri-məhdud üzvlük. İstənilən QHT və fiziki
şəxsi Koalisiyanın üzvü ola bilər.
Şəffaflıq. Koalisiyanın fəaliyyəti cəmiyyət
üçün tam şəffaf və açıq olacaq.
Dəqiqlik. Koalisiya çalışacaq ki, bütün mülahizə
və qərarlarında dəqiqlik maksimum dərəcədə təmin edilsin və söylənilən
rəylər, verilən bəyanatlar və qiymətləndirmələr dəqiq məlumatlara
və dərin təhlillərə əsaslansın.
Siyasi məqsədlərdən uzaqlıq. Koalisiya siyasi
məqsədlər güdən heç bir fəaliyyətdə iştirak etməyəcək.
Qanunilik. Koalisiyanın fəaliyyəti Azərbaycan
qanunvericiliyi çərçivəsində həyata keçiriləcək.
Quruluş və fəaliyyətin tənzimlənməsi
Koalisiyanın quruluşu və fəaliyyətinin tənzimlənməsi
Koalisiyanın Əsasnaməsində öz əksini tapır və bütün Koalisiya üzvləri
tərəfindən rəhbər tutulur.
|
Azərbaycan İctimaiyyətlə Əlaqələr Assosiasiyası (APRA) |
Azərbaycan İctimaiyyətlə Əlaqələr Assosiasiyası (APRA)
2003-cü ilin aprelində yerli və beynəlxalq təşkilatlarda çalışan
bir qrup ictimaiyyətlə əlaqələr mütəxəssisinin iştirakıyla tərəfindən
yaradılıb. Qurumun əsas məqsədi ictimaiyyətlə əlaqələr işinin problem
və perspektivlərini araşdırmaq, bu işin dövlət, QHT və biznes sektorlarında
geniş tətbiqnin təmin etməkdir. Assosiasiyada 20-dən çox ictimaiyyətlə
əlaqələr mütəxəssisi birləşir. APRA dünyada ictimaiyyətlə əlaqələr
təşkilatlarının ən böyük şəbəkəsi olan İctimaiyyətlə Əlaqələr üzrə
Qlobal Alyansın (GAPR) daimi üzvüdür. Quruma üzvlük fərdi ola bilər.
Təşkilatın direktoru bütün üzvlərin səsverməsi ilə ildə bir dəfə
seçilir. Hazırda qurumun direktoru Ramil Məhərrəmovdur.
Assosiasiya şirkətlərin, QHT-lərin, bələdiyyələrin
ictimaiyyətlə əlaqələr işini media və maraqlı qruplarla qurmaqla
kifayətlənmir. Ictimaiyyətlə əlaqələr işi əhalini faydalandırmalı,
onların sosial-iqtisadi problemlərinin dayanıqlı həllini təmin etməlidir.
Bunu üçün də ictimaiyyətlə əlaqələr işinin sosial sərmayə təşəbbüsü,
sponsorluq kimi üsullarından geniş istifadə olunmalıdır.
APRA-nın əsas fəaliyyət istiaqaməti ictimaiyyətlə
əlaqələrin müxtəlif üsulları barədə maarifləndirmə işi, uyğun seminarların
təşkili olub. İndiyəcən ictimaiyyətlə əlaqələr işinin müxtəlif aspektləri
üzrə dörd uğurlu seminar keçirilib. Onlar İctimaiyyətlə Əlaqələr
və İnternet, İctimaiyyətlə Əlaqələr və Fandreyzinqin Kreativ Üsulları,
Sosial Sərməyə Təşəbbüsləri, İctimaiyyətlə Əlaqələr İşinin Səmərəli
Üsulu kimi və Korporativ Standartlar, Qara PR kimi mövzuları əhatə
edib. Bu seminarlara dövlət, biznes və QHT-lərin ümumilikdə 150-dən
çox nümayəndəsi qatılıb.
İctimaiyyətlə əlaqələr işi barədə istər Azərbaycan
KİV-də, istərsə də xarici mətbuatda çoxsaylı maqələ və müsahibələr
verilib. Assosiasiyanın www.azerweb.com/apra
ünvanlı internet saytı yaradılıb onun yeni, daha peşəkar saytla
əvəzlənməsi gözlənir.
Assosiasiya Azərbaycanda ictimaiyyətlə əlqələr işi
üzrə müzakirələr aparılması üçün http://finance.groups.yahoo.com/group/APRA_net/
ünvanında xüsusi elektron səhifə yaradıb.
APRA ictimaiyyətlə əlaqələr işin də xeyrəyyəçilikdən də istifadə
edib. Belə ki, assosiasiya 2004-cü ildə təşkil etdiyi seminarın
gəlirini xaricdə yaşayan və ya oxuyan azərbaycanlı tələbələrin töhfəsi
ilə birləşdirərək Bibiheybət neft mədənlərində yerləşmiş məcburi
köçkün məktəbinə yeni komputer, maqnitafon, kitablar və digər dərs
ləvazimatları alıb. Bunda əsas məqsəd tədrisin keyfiyyətinin artırılmasına
köməkdir. Eyni təşəbbüs çərçivəsində assosiasiya şagirdləri tədrisə
həvəsləndirmək üçün "Oxu" yarışmaları keçirib.
Assosiasiyanın dəstəyi ilə Azərbaycanda ictimaiyyətlə
əlaqələr işi üzrə ilk kitab buraxılıb.
APRA ölkədə ictimaiyyətlə əlaqələr işinin tədbiqini genişləndirmək
üçün bu yöndə araşdırma, maarifləndirmə fəaliyyətini, analoji xarici
təşkilatlarla əlqələrin qurulub möhkəmləndirilməsini davam etdirəcək.
PR haqqında Azərbaycan dilində kitabların artırılması, araşdırmalar
aparılması, prizlərin yaradılması, peşəkar və daimi PR təlimlərinin,
PR yarmarkasının təşkili, illik PR konfransların keçirilməsi və
s. qurumun gələcək planlarına daxildir.
APRA haqqında daha geniş informasiya almaq
üçün əlaqə məlumatları:
Email: apra@aznet.org
ramil_m@azeronline.com
www.azerweb.com/apra
|
