ÖLKƏ QHT-LƏRİ NƏ EDİB?
Aprel-İyun, 2004 |
Aprel
Bakı Dirçəliş İttifaqıyla Yeni Yazarlar və Sənətçilər
Qurumu Gənclər, İdman və Turizm Nazirliyi ilə birgə 3 1 Mart soyqırımına
həsr olunmuş "Tarix unutqanlığı bağışlamır" mövzusunda dəyirmi masa
keçirib.
"Yeni Nəsil" Jurnalistlər Birliyi Avropa Birliyi
ilə "Diffamasiya problemləri (şərəf-ləyaqət, işgüzar nüfuz)" mövzusunda
3 sessiyadan ibarət seminar təşkil edib.
"Elektron seçki" İctimai Birliyinin təşəbbüsü ilə
"Elektron seçkinin keçirilməsinin müasir Azərbaycanda əhəmiyyəti"
mövzusunda dəyirmi masa düzənlənib.
İnsan Hüquqları XXI əsr - Azərbaycan Fondu vətəndaşların
bələdiyyə seçkilərində iştirakı, Konstitusiya Məhkəməsinə və insan
hüquqları üzrə müvəkkilə (ombudsmana) müraciət etmə qaydaları ilə
bağlı bukletlər çap edib və paylayıb.
Qarabağ Azadlıq Təşkilatı (QAT) İsveçin Malmö şəhərində
Şahin Tağıyevin rəhbərlik etdiyi yeni şöbə açıb.
Mətbuat Şurası bəzi aparıcı KİV təmsilçilərinə vahid jurnalist vəsiqələri
və xüsusi geyimlər təqdim edib.
Azərbaycan Sahibkarlar Konfederasiyası Beynəlxalq Əmək Təşkilatı
ilə birgə "Azərbaycanda sosial dialoq və məşğulluq" mövzusunda seminar
keçirib.
Azərbaycan Naminə Hərəkatın Koordinasiya Şurası Qarabağa
həsr olunan mahnı müsabiqəsi və BMT-nin Ermənistan qoşunlarının
Azərbaycan torpaqlarından çıxmasını nəzərdə tutan qətnamələrinin
icrası tələbiylə imzatoplama kampaniyası keçirəcəklərini açıqlayıb.
Milli Qeyri - Hökumət Təşkilatları Forumunun (MQF)
gənclər sektoru və Dini Araşdırmalar Mərkəzinin təşəbbüsü ilə "Destruktiv
dini sektalar Azərbaycan dövlətçiliyinə təhlükədir" mövzusunda dəyirmi
masa keçirilib.
Bakıda professor Nizami Cəfərovun rəhbərliyi ilə
Atatürk Mərkəzinin rəsmi açılışı olub.
Qarabağ Azadlıq Təşkilatı Türkiyə-Ermənistan sərhədlərinin
açılacağı ilə bağlı yayılan məlumatlarla əlaqədar Türkiyə prezidenti
Əhməd Necdət Sezərə və baş nazir Rəcəb Tayyib Ərdoğana müraciət
edib.
D.Əliyeva adına Qadın Hüquqlarını Müdafiə Cəmiyyəti
QHT-nin fəaliyyətinin genişləndirilməsi, problemlərin aradan qaldırılması
məqsədilə həyata keçirdiyi layihə və təklifləri açıqlayıb.
Rəssam Soltan Soltanlının sədrliyi ilə Azərbaycan
Karikatura evi açılıb.
Repressiya Qurbanları Assosiasiyası Milli ordunun
zabiti Ramil Səfərovun hüquqlarını müdafiə məqsədilə imzatoplama
kampaniyası keçirib.
KİV-in maliyyə fəaliyyətinin düzgün qurulmasına kömək
məqsədilə "Yeni Nəsil"in tərkibində Media-Audit Mərkəzi yaradılıb.
Azərbaycan Ziyalılar Birliyi İslam Partiyası ilə
birgə "Milli mənəviyyat və əxlaq problemləri"ni müzakirə edib.
"Sabah" Gənclər Birliyi 5 illik yubileyini keçirib.
D.Əliyeva adına Qadın Hüquqlarını Müdafiə Cəmiyyətinin
rəhbəri Novella Cəfəroğlu Milli Demokratiyaya Yardım Təşkilatının
Mərkəzi Asiya və Qafqaz üzrə proqram rəhbəri Miriam Loiska ilə görüşüb.
QAT Qarabağa dinc yürüş edəcəyi barədə məlumat yayıb.
Siyasi İnnovasiya və Texnologiyalar Mərkəzinin rəhbəri
Mübariz Əhmədoğlu bu ilin birinci rübündə, o cümlədən mart ayında
Cənubi Qafqaz regionunda baş verən ictimai-siyasi proseslərin yekunlarına
dair hesabat açıqlayıb.
Avropa Şurasının baş katibi Valter Şvimmer azərbaycanlı
hüquq müdafiəçiləri ilə görüş keçirib.
"Vətəndaş cəmiyyəti uğrunda müstəqil Məsləhət
və Yardım Mərkəzi "Azərbaycanda seçki kampaniyasının təşkili
və təkmilləşdirilməsi mövzusunda dəyirmi masa keçirib.
Beynəlxalq Qırmızı Xaç Cəmiyyətinin Azərbaycandakı
nümayəndəliyi Daxili İşlər Nazirliyi ilə birgə daxili qoşun və polis
zabitləri üçün seminar gerçəkləşdirib.
Ailə Krizis Mərkəzi Sorosun Qadın Şəbəkə Proqramının
maliyyə dəstəyi və Psixoloji Məsləhət Mərkəzinin təşəbbüsü ilə zorakılığa
məruz qalan qadınların hüquqlarının qorunması mövzusunu əhatə edən
layihənin təqdimat mərasimini gerçəkləşdirib.
"Ümidli Gələcək" Gənclər Təşkilatı kor və zəif görən
uşaqlar üçün internat məktəblərində təhsil alan 300 Bakı məktəblisini
Brayl əlifbası əsasında hazırlanan xüsusi kitablarla təchiz etmək
məqsədilə yeni layihənin icrasına başlayıb.
"Yeni Nəsil"in yaratdığı koalisiya "QHT və KİV arasında
əməkdaşlıq şəbəkəsi vasitəsilə ictimai maraqların qorunması" layihəsi
çərçivəsində konfrans keçirib.
Milli Dirçəliş Hərəkatı Türkiyəyə qarşı artan beynəlxalq
təzyiqlərin qarşısının alınması yönündə türk dövlətlərinin səylərinin
birləşdirilməsi üçün "Türk evinin açılması təklifiylə çıxış edib.
"Hüquqi şəxslərin dövlət qeydiyyatı və dövlət reyestri
haqqında" qanunun tətbiq edilməsi barədə imzalanan fərman qüvvəyə
minib.
"Ekspert" jurnalının təşəbbüsü ilə "Büdcə şəffaflığının
artırılmasında ictimai iştirak" mövzusunda dəyirmi masa keçirilib.
CRS humanitar təşkilatının maliyyə dəstəyi ilə "Azərbaycanda
QHT-nin inkişafı üçün əlverişli mühit yaradılması" kampaniyası çərçivəsində
"QHT-nin fəaliyyətinin hüquqi əsasları" mövzusunda tədbir gerçəkləşdirilib.
"Elektron seçki" İB-in sədri Mübariz Tağıyev dünyada
təcrübədən keçirilmiş elektron seçki sisteminin Azərbaycanda tətbiq
edilməsinə dair fikir və təkliflərini açıqlayıb.
Helsinki Vətəndaş Assambleyasının Azərbaycan Milli
Komitəsində uşaq problemləri ilə bağlı dəyirmi masa keçirilib.
Gənc Beynəlxalq Hüquqşünaslar İctimai Birliyi ilə
İnsan Hüquqları üzrə Monitorinq və Maarifləndrmə Mərkəzi "İnsan
ticarətiylə mübarizədə QHT şəbəkəsinin yaradılması" mövzusunda dəyirmi
masa gerçəkləşdirib.
Azərbaycan Jurnalistlər Konfederasiyası Bakı Şəhər
İcra Hakimiyyətinin başçısı Hacıbala Abutalıbovu ATV telekanalına
qarşı iddiadan əl çəkməyə çağırıb.
QİÇS-lə Mübarizə Mərkəzi Azərbaycanda bu xəstəliyin
vəziyyəti ilə bağlı son məlumatları açıqlayıb.
Azərbaycan Gənc Hüquqşünaslar Birliyi BMT-nin Qaçqınlar
üzrə Ali Komissarlığı ilə birgə Azərbaycan dilində hüquqi ədəbiyyat
nəşr etməyi qərara ahb.
Berlində 50-dən artıq icma və birliyi özündə birləşdirən
Avropa Azərbaycanlıları Konqresi təsis olunub.
Qadın Krizis Mərkəzi paytaxtda qadın əməyinin istismarı
ilə bağlı tədqiqatlara başlayıb.
Avropa Fondunun təşkilatçılığı ilə Gürcüstanda Cənubi
Qafqazda KİV problemlərinə, əməkdaşlıq perspektivlərinə dair ənənəvi
regional konfrans keçirlib.
"Yeni Nəsil"in rəhbəri Arif Əliyev "KİV-in maliyyə
menecmenti, vergi problemlərinin təhlili, onların həlli yollarının
göstərilməsi və konkret tədbirlər planı" ilə bağlı mətbuat konfransı
keçirib.
Miqrantlara Hüquqi Yardım Mərkəzinin rəhbəri Əliövsət
Əliyev mətbuata Azərbaycanda 10 min nəfərə yaxın əcnəbinin qanunsuz
yaşadığını dedi.
Milli Dirçəliş Hərəkatı Dağlıq Qarabağ probleminin
həlliylə bağlı DQ parlamentinin və polisinin yaradılması təklifi
ilə çıxış edib.
QHT-nin Seçki Monitorinq Mərkəzinin nümayəndələri
seçki qanunvericiliyinin təkmilləşdirilməsi ilə bağlı təkliflərini,
qarşıdan gələn bələdiyyə seçkiləriylə əlaqədar görülən işlər, aparılan
sorğular barədə məlumat veriblər.
Azərbaycan Respublikası Gənclər Təşkilatlarının Milli
Şurası Gənclər, İdman və Turizm Nazirliyi ilə bərabər "Yerli özünüidarəetmə
orqanları və gənclər" mövzusunda dəyirmi masa gerçəkləşdirib.
Azərbaycanlı hüquq müdafiəçiləri "Bakinski bulvar"qəzetinin
əməkdaşı İradə Hüseynovanın barəsindəki cinayət işinin xətm olunması
xahişi ilə prezidentə müraciət ediblər.
Azərbaycan Ekologiya Standartlarının Monitorinq Fondu,
CasAm Butan Texl LLS ABŞ təşkilatı və Azərbaycanda Regional İnkişaf
Mərkəzinin təşəbbüsü ilə "Neftlə çirklənmiş torpaqların rekultivasiyası
problemləri" mövzusunda dəyirmi masa keçirilib.
CRS Humanitar Təşkilatı ABŞ Beynəlxalq İnkişaf Agentliyinin
maliyyə dəstəyi ilə gerçəkləşdirdiyi "Gender bərabərliyi üzrə ictimaiyyətin
maarifləndirilməsi" layihəsi çərçivəsində Gəncədə ilk müzakirə keçirib.
"Azərbaycan tarix müəllimləri" İctimai Birliyi ali
məktəblərə qəbul imtahanlarındakı ziddiyyətli məqamlar barədə mətbuat
konfransı keçirib.
Hüquq və İnkişaf Mərkəzinin təşkilatçılığı ilə "Yerli
özünüidarə orqanları ilə bağlı Azərbaycanın Avropa Şurası qarşısında
götürdüyü öhdəliklər" mövzusunda dəyirmi masa keçirilib.
Açıq Cəmiyyət İnstitutu Yardım Fondu və bp Azərbaydankı
QHT-lər vasitəsilə Sorosun Bakı-Tbilisi-Ceyhan boru kəmərinin çəkilişi
üzrə monitorinqinin əlaqələndirilməsini təmin edəcək müqavilə imzalayıblar.
Milli Ekoloji Proqnozlaşdırma Mərkəzinin rəhbəri
Telman Zeynalov 7 ay müddətində sınaq layihəsi çərçivəsində görülən
işlər üzrə hesabat verib.
Azərbaycan jurnalistlərinin ikinci qurultayı keçirilib.
Azərbaycan-İsrail Dostluq Cəmiyyəti təsis edilib.
Neftçilərin Hüquqlarını Müdafiə Komitəsinin sədri
Mirvari Qəhrəmanlı, AGT Monitorinq Qrupunun rəhbəri Mais Güləliyev
Böyük Britaniyaya səfərləri barədə məlumat veriblər.
Azərbaycanın hüquq müdafiə təşkilatları, QHT və KİV
rəhbərlərindən ibarət monitoriq qrupu ölkənin Avropa Şurası qarşısındakı
öhdəliklərinin yerinə yetirilməsi durumunu müzakirə edib.
CRS-in maliyyə dəstəyi ilə "QHT xəbərlər xidməti
və qaynar xətt" layihəsinin təqdimat mərasimi keçirilib.
İFES Seçki Fondunun təşkilatçılığı ilə bələdiyyə
seçkisinə hazırlıq məqsədilə dəyirmi masa düzənlənib.
Beynəlxalq Mətbuat Mərkəzi BMT-nin Azərbaycandakı
nümayəndəliyi ilə jurnalistlər üçün insan inkişafıyla bağlı seminar
təşkil edib.
"Simurq" Milli Mükafat Fondu ilin yekunlarına görə
müxtəlif sahələr üzrə xüsusilə fərqlənən şəxsləri mükafatlandırıb.
Demokratik İslahatlar Uğrunda Cəmiyyət Alfred Mozer
və Demokratiya və Həmrəylik Uğrunda Avropa Forumunun dəstəyi ilə
Azərbaycanda gənc siyasətçilər üçün 3 günlük treninq kurslar keçirib.
CRS "World Learning" təşkilatı və ABŞ Beynəlxalq İnkişaf
Agentliyinin maliyyə dəstəyi ilə bələdiyyə seçkisiylə bağlı layihəni
təqdim edib.
Bəzi QHT-lər Seçki Məcəlləsi ilə bağlı təkliflərini
beynəlxalq qurumlara təqdim edəcəklərini açıqlayıblar.
MAY
"İnam" Plüralizm Mərkəzinin ABŞ-ın Şərqi Avropada
Demokratiya İnstitutu ilə birgə "Vətəndaş körpüləri - Orta Asiya"
proqramı çərçivəsində Zuğulbada "Vətəndaş iştirakı və demokratiyanın
müxtəlif yolları" mövzusunda 3 günlük beynəlxalq seminar keçirib.
Seminarda beş Orta Asiya ölkəsi, həmçinin ABŞ, Çex Respublikası,
Ukrayna, Qürcüstan və Azərbaycanın 50-dək QHT və siyasi partiya
nümayəndələri və parlament təmsilçiləri iştirak edib. Seminarın
aparıcı mövzusu Orta Asiyada demokratiya problemləri idi. İştirakçılar
ölkələrində vətəndaş azadlıqları və insan hüquqları məsələləri ətrafında
müzakirələr aparmış, gələcək inkişaf yollarını araşdırmışlar. Tədbirdə
Fərqanə vadisində vətəndaş cəmiyyətinin inkişaf perspektivləri xüsusi
müzakirə mövzusu olub.
Ayrı-ayrı sessiyalarda "Qafqazda və Orta Asiyada demokratiya problemləri:
siyasi partiyalar, hökumət, vətəndaş cəmiyyətləri və KİV, "QHT-nin
seçkilərdə iştirak problemləri, "Geopolitika və 11 sentyabr hadisələrindən
sonra Qafqaz və Orta Asiya ölkələrinə münasibət, "İslam, demokratiya
və insan haqları, "Korrupsiyaya qarşı vətəndaş mübarizəsinin müxtəlif
üsulları, "Müxtəlif ölkələrin müxtəlif yolu - Gürcüstan yolu" ətrafında
çıxışlar dinlənilib və fikir mübadiləsi aparılıb.
Seminarda ŞADİ prezidenti İrena Lasota, Gürcüstan Respublikaçılar
Partiyasının liderləri, parlament üzvləri İvlian Haindrava və David
Berdzenişvili, çexiyalı jurnalist Petruşka Şustrova, Qırğızıstanın
Korrupsiya Əleyhinə Vətəndaş Cəmiyyəti Mərkəzinin direktoru Tolekan
İsmayılova və "Ar-namus" partiyasının sədr müavini Emil Əliyev,
Krım Müəllimlər Şurasının sədri Dilara Seyitveliyeva, Qazaxıstan
Demokratik Seçim Xalq Partiyasının xarici əlaqələr üzrə müavini
Natalya Malarçuk və "Transparensy İnternational"ın Qazaxıstan ofisinin
rəhbəri Sergey Zlotnikov, azərbaycanlı politoltq Leyla Əliyeva,
Cümə məscidinin imamı İlqar Allahverdi və başqaları məruzə edib.
"İnternyus" (Azərbaycan) Ümumdünya söz azadlığı günü
münasibətilə bayram tədbiri keçirib.
"İnternyus" "İctimai bilgilərə çatım haqqında" qanun layihəsini
təqdim edib.
Vətəndaşların Əmək Hüquqlarını Müdafiə Liqası Gürcüstanın
"Polis, sürücü və ədalət" birliyi ilə "Cənubi Qafqaz hüquq müdafiə
təşkilatlarının əməkdaşlığı region yollarında sürücülərin hüquqlarını
müdafiədə effektiv metoddur" adlı layihənin icrasına başlayıb.
"Azlegal Company" hüquq firması "Əmək qanunvericiliyinin
təbliğinin praktiki aspektləri" mövzusunda təlim kurslarının ikinci
mərhələsini həyata keçirib.
Mətbuat Şurasının təşəbbüsüylə "Azərbaycanda söz
və fikir azadlığı" mövzusunda 3 may informasiya və söz azadlığı
gününə həsr edilən dəyirmi masa keçirilib.
Beynəlxalq Avrasiya Mətbuat Fondunun və Azərbaycan
jurnalistlər Konfederasiyasının birgə təşkilatçılığı ilə 3 may söz
azadlığı gününə həsr edilən tədbir düzənlənib.
Azərbaycan Həmkarlar İttifaqları Konfederasiyasının
sədri Səttar Mehbalıyev Kosovo Həmkarlar İttifaqının rəhbəri Bahri
Şabani ilə müzakirələr aparıb.
Azərbaycan Təfəkkür Gənclər Assosiasiyası IFES-Azərbaycan
təşkilaı ilə bir yerdə Xirdalan qəsəbəsində qarşıdan gələn bələdiyyə
seçkiləri ilə əlaqədar olaraq "Üçüncü sekor-QHT, icma və bələdiyyə
adlı layihə həyaa keçirib.
"İnsan hüquqları XXI əsr - Azərbaycan" fondu Beyləqan
rayonunnda qaçqın qadınlar arasında sosial vəziyyətlə bağlı sorğu
keçirib.
"Sərhədsiz reportyorlar" Təşkilatı 3 may ümumdünya
söz azadlığı günü münasibətilə hesabat açıqlayıb.
Beynəlxalq Mətbuat Mərkəzində "Vətəndaş cəmiyyəti
uğrunda" Müstəqil Məsləhət və Yardım Mərkəzi Avrasiya Fondunun dəstəyi
ilə "Azərbaycandakı yerli donorluğun durumu və inkişaf perspektivləri"
mövzusunda konfrans keçirib.
"BUTA" Uşaq Humanitar Fondu və "Vətəndaş cəmiyyətində
debat" mərkəzi Avrasiya Fondu və "Ekson Azərbaycan Əməliyyat
Şirkəti tərəfindən dəstəklənən "Dünyanı dəyişdirmək istəyirsənsə,
özünü dəyişdir" layihəsinin başa çatdırıb.
"İnsan hüquqları XXI əsr - Azərbaycan" fondu məktəblilərin
insan hüquqları sahəsində maarifləndirilməsi məqsədilə seminar keçirib.
Seminarda Bakı şəhər orta məktəblərinin şagirdləri, həmçinin Milli
Elmlər Akademiyasının İnsan Hüquqları İnstitutunun, Təhsil Problemləri
İnstitutunun və Azərbaycan Dillər Universitetinin nümayəndələri
iştirak edib.
Azərbaycan Gənclərin Avroatlantika Təşkilatının təşəbbüsü
ilə "Sülh naminə tərəfdaşlıq yolunda 10 il" mövzusunda tədbir keçirilib.
CRS-in gerçəkləşdirdiyi "Gender bərabərliyi üzrə
ictimaiyyətin maarifləndirilməsi" layihəsi ilə bağlı növbəti toplantı
gerçəkləşdirilib.
MQF Şuşanın işğalı ilə bağlı tədbir keçirib.
Sülh və Demokratiya İnstitutunun rəhbəri Leyla Yunus
"2004-cü ilin may ayında siyasi məhbusların problemlərinin həlli
mümkünlüyü", AŞ PA-nın deputatı Malkolm Bryusla görüşdə təqdim olunan
təkliflər mövzusunda mətbuat kofnransı keçirib.
Təhsil İşçiləri və Tələbələrin Xeyriyyə Fondunun
təşəbbüsü ilə Heydər Əliyevin anadan olmasının 81-ci ildönümü münasibətilə
toplantı keçirilib.
QAT-ın Şuşanın işğal günü münasibətilə Qarabağa dinc
yürüşü Ağdam rayonunda başa çatıb.
"Ümidli gələcək" Gənclər Təşkilatı Ombudsman Aparatı və Ədliyyə
Nazirliyinin Məhkəmə Qərarlarının İcrası Baş İdarəsi ilə birgə məhbusların
hüquq və azadlıqları ilə bağlı yeni layihə həyata keçirib.
Bakı Biznes Mərkəzində mina təhlükəsizliyi üzrə maarifləndirmə
ilə bağlı təhsil naziri Misir Mərdanov, UNİCEF-in ölkəmizdəki rəhbəri
Akif Saatçıoğlu və ANAMA-nın direktoru Nazim İsmayılov memorandum
imzalayıblar.
Beynəlxalq Mətbuat Mərkəzində MQF-nin "QHT sektorunun inkişafı və
perspektivləri" layihəsinin təqdimat mərasimi keçirilib.
Tatyana Çaladzenin rəhbərliyi ilə Azərbaycan Qaçqınlar
və Məcburi Köçkünlərin Hüquqlarını Müdafiə Mərkəzi yaradılıb.
Hüquq Müdafiə Təşkilatları Monitorinq Qrupunun üzvləri
növbəti əfv fərmanının siyasi məhbuslara şamil olunmasından narızılıqlarını
bəyanlayıblar.
Azərbaycan Naminə Hərəkatın "Qarabağ - ağrım, qürurum
mənim" festivalının ilk turu keçirilib.
Tacirlər və İstehsalçılar Birliyinin rəhbəri Sevgim
Rəhmanov UNİCEF-in maliyyə dəstəyilə un və un məmulatlarının istehsalında
və satışında dəmir elementlərindən istifadənin monitorinqi və yod
çatışmazlığı ilə bağlı həyata keçirəcəkləri iki layihə haqqında
məlumat verib.
Helsinki Vətəndaş Assambleyasının Azərbaycan Milli
Komitəsində Zərdüşt Əlizadənin rəhbərlik etdiyi "Qafqazda böhranlı
vəziyyətin tədqiqatı" mərkəzinin təşəbbüsü ilə "Atəşkəsin 10 ili:
münaqişənin həlli imkanları" mövzulu dəyirmi masa keçirilib.
CRS humanitar təşkilatının regional mütəxəssisi regionlarda
QHT təmsinçiləriylə görüşüb.
Beynəlxalq Mətbuat Mərkəzində Mübariz Gənclər Təşkilatının
təşəbbüsüylə "Gürcüstanda baş verən son siyasi proseslərin regiona
təsiri" mövzusunda dəyirmi masa gerçəkləşdirilib.
Vətəndaşların Əmək Hüquqlarını Müdafiə Liqasının
təşəbbüsü ilə Samux rayonunun bir qrup sakini BTC ilə bağlı problemlərini
jurnalistlərlə bölüşüb.
Respulika Uşaq Təşkilatı və "Ukrayna - uşaqlar üçün"
Anaların və Uşaqların Sosial Müdafiəsi Fondu arasında əməkdaşlıq
müqaviləsi imzalanıb.
Yeni Yazarlar və Sənətçilər Qurumu Mədəniyyət Nazirliyinin
təşkilati və texniki dəstəyi ilə dördüncü dəfə Bakı Kitab bayramına
hazırlıq işlərinə başlayıb.
Bakıda Amerika Neftçi-geoloqlar Assosiasiyasının
"Göl şəraitində qumbaşı çöküntüləri" mövzusunda Beynəlxalq Hedberq
konfransı keçirilib.
ANAMA ilə Slovakiyanın "Vay industry" şirkəti arasında
Azərbaycana minatəmizləyən maşın gətirilməsi üçün müqavilə imzalanıb.
"Azad və ədalətli seçkilər uğrunda əlaqələndirici
məşvərət şurasının təşəbbüsü ilə "Bələdiyyə seçkilərində Seçki Məcəlləsinin
tətbiqi zamanı yarana biləcək problemlər və onun həlli yolları"
mövzusunda dəyirmi masa olub.
Gənc Liderlər Mərkəzinin təşkilatçılığı ilə "Gənclik
terrorizmin əleyhinədir" mövzusunda Dəyirmi masa keçirilib.
Helsinki Vətəndaş Assambleyasının Azərbaycan Milli
Komitəsində "2003-cü il 15 oktyabr prezident seçkiləri" kitabının
təqdimat mərasimi keçirilib.
Avropa Şurasının Azərbaycan üzrə məruzəçisi Andreas
Qross Mətbuat Şurasının üzvləri ilə görüşüb, Azərbaycan jurnalistikasının
problemləri barədə müzakirələr aparıb.
Helsinki Vətəndaş Assambleyası Azərbaycan Milli Komitəsinin
rəhbəri Arzu Abdullayeva Bakiya qaçmış Ermənistan vətəndaşları Artur
Apresyan və Roman Teryana siyasi qaçqın statusu və üçüncü ölkədə
sığınacaq verilməsi ilə bağlı beynəlxalq təşkilatlara müraciət edib.
Azərbaycan Xalq Cümhuriyyətinin Varisləri Təşkilatının
üzvləri cümhuriyyətin yaranmasının 86-cı ildönümü münasibətilə toplantı
keçiriblər.
Mətbuat Şurasının növbəti iclasında qurumun 2004-cü
il üçün iş planı təsdiqlənib.
"Sabah" və "Mübariz gənclər" birliklərinin təşəbbüsü
ilə "Azərbaycan gəncliyinin müasir vəziyyəti və problemlərin mövzusunda
dəyirmi masa keçirilib.
Beynəlxalq Mətbuat Mərkəzində "QHT sektorunun problemləri
və inkişaf perspektivləri" layihəsi çərçivəsində "QHT-nin qərarların
qəbulunda iştirakı və ictimai sektorun maraqlarının lobbiləşdirilməsi"
mövzusunda seminar keçirilib.
"Yeni Nəsil" jurnalistlər Birliyi və "Article 19"
təşkilatı Avropa Şurasının tövsiyələri ilə hazırlanmış 4 sənədin
- "İctimai televiziya haqqında", "İnformasiya azadlığı haqqında",
"Şərəf və ləyaqətin (diffamasiya) müdafiəsi haqqında" və "Dövlət
sirri haqqında" qanun layihələrinin müzakirəsinə həsr olunan 2 günlük
seminar keçirib.
"Lider qadınlar" İctimai Birliyi və Britaniya Şurası
"Qadınlar ictimai həyatda" layihəsi çərçivəsində mətbuat nümayəndələri
üçün seminar gerçəkləşdirib.
Beynəlxalq Söz Azadlığı Mübadiləsi Təşkilatının (İFEX)
növbəti ümumi toplantısı Bakıda keçirilib. Qeyd edək ki, qurumun
mərkəzi qərargahı Torontoda yerləşir. Təşkilat əsasən dünyanın müxtəlif
ölkələrində hüquqları pozulmuş jurnalistlərin haqlarını bərpa etmək
uğrunda mübarizə aparır və ildə bir dəfə bütün üzvlərinin iştirakı
ilə toplantı keçirir.
Bakıdakı toplantı Azərbaycan jurnalist Təşkilatları
Konfederasiyasının baş katibi Azər Həsrətin təşkilatçılığı ilə baş
tutub. 50 ölkədən 80-dək nümayəndənin qatıldığı toplantı, ümumi
qaydalara görə, qapalı (media nümayəndələri üçün açıqlanan bəzi
hissələri çıxmaqla) keçirilib. Toplantının ilk günündə seminar təşkil
olunub, ayrı-ayrı sessiyalarda media problemləri çözülüb, İFEX-in
fəaliyyəti və həyata keçirdiyi layihələrlə bağlı məlumatlar verilib.
Həmçinin donorlardan faydalanma üsulları, strateji planların müəyyənləşdirilməsi
yolları və effektiv layihələrin işlənməsi mexanizmi müzakirə olunub.
Daha sonra mətbuat azadlığı məsələləri ilə bağlı kampaniyaların
təşkilindən, KİV-in səviyyəsinin yüksəldilməsi problemlərindən danışılıb.
Yığıncaqlarda internet üzərində senzuranın tətbiqi,
Şərqi Avropa və Müstəqil Dövlətlər Birliyi ölkələrinin media azadlığı
problemlərinə də toxunulub. Əsasən Özbəkistan, Qazaxıstan və Türkmənistanda
internetdən istifadəyə qoyulan məhdudiyyətlər müzakirə edilib. Özbəkistan
həbsxanalarında saxlanılan 5 yerli jurnalistin taleyi barədə məlumat
verilib. "Yeni Müsavat" qəzetinin baş redaktoru Rauf Arifoğlunun
həbsi, "Bakinski bulvar" qəzetinin əməkdaşı İradə Hüseynovaya təzyiqlər
də diqqət mərkəzinə çəkilib. Toplantıda beynəlxalq terrorizmlə mübarizədə
jurnalistikanın rolundan da söhbət açılıb. İFEX-ə 8 təşkilatın üzvlük
məsələsinə də baxılıb. Bunlardan 7-si daimi, biri isə assosiativ
üzv seçilib. İFEX şurası üzvlərinin sayı isə 12-dən 14-ə qaldırılıb.
Azərbaycan Naminə Hərəkatın təşəbbüsü ilə Respublika
günü münasibətilə "Azərbaycan Xalq Cümhuriyyəti: tarixi təcrübənin
dərsləri və əhəmiyyəti" mövzusunda toplantı keçirilib.
"Vətəndaş cəmiyyəti uğrunda" Müstəqil Məsləhət və
Yardım Mərkəzi "Azərbaycanda yerli QHT-nin seçkilərin monitorinqində
iştirakı" mövzusunda dəyirmi təşkil edib.
bp-nin maliyyə dəstəyi ilə "Hayat" Humanitar Milli
QHT "Binəqədi rayonunda məcburi köçkün icmalarında gəlir gətirən
fəaliyyətin yaradılması və inkişafı" layihəsinin icrasını bitirib.
"İnam" Plüralizm Mərkəzinin nümayəndələri İradə və
Samir Rəhimovlar Kiyevdə keçirilən Beynəlxalq Liberal Gənclər Forumunda
Azərbaycanı təmsil ediblər.
"İnam" Plüralizm Mərkəzi ABŞ-ın Şərqi Avropa Demokratiya
İnstitutu ilə birgə "Vətəndaş körpüləri - Orta Asiya" proqramı çərçivəsində
"Vətəndaş iştirakı və demokratiyanın müxtəlif yolları" mövzusunda
3 günlük seminar keçirib.
"Qadınlar arasında həmrəylik" İctimai Birliyi Sorosun
maliyyə yardımı ilə gerçəkləşdirdiyi "Yerli özünüidarəetmədə qadın
liderliyi" layihəsi çərçivəsində "Qadınlar və bələdiyyələr perspektivdədir"
mövzusunda dəyirmi masa keçirib.
Azərbaycan Qızıl Aypara Cəmiyyəti Ekologiya və Təbii Sərvətlər Nazirliyi
ilə fövqəladə halların qarşısının alınması və elmi-texniki əməkdaşlığı,
bu sahədə birgə təcrübələrin artırılması məqsədini daşıyan saziş
imzalayıb.
İYUN
İnsan Alveriylə Mübarizə üzrə QHT İnformasiya və
Əməkdaşlıq Şəbəkəsinin təşəbbüsüylə "İnsan alveri üzrə milli fəaliyyət
planının həyata keçirilməsində QHT-nin rolu: reallıqlar, problemlər
və perspektivlər" mövzusunda dəyirmi masa keçirilib.
Uşaq Hüquqlarını Müdafiə Liqasının sədri Yusif Bəkirov
1 iyun Uşaqları Beynəlxalq müdafiə günü münasibətilə toplantı gerçəkləşdirərək
ölkədə bu istiqamətdə mövcud ciddi problemlərdən danışıb.
"İnsan hüquqları XXI əsr - Azərbaycan" fondunun "Vətəndaş
və cəmiyyət" adlı aylıq qəzetinin dördüncü sayı çapdan çıxıb.
Ölkədə fəaliyyət göstərən bir qrup QHT seçki prosesində
müşahidəçiliklə bağlı məhdudiyyətlərin aradan qaldırılması xahişiylə
ölkə prezidentinə müraciət edib.
"Yeni Nəsil" Jurnalistlər Birlyi və Nəcəf Nəcəfov
adına Fondun təşəbbüsü ilə ölkənin ali məktəblərinin jurnalistika
fakültələrinin son kurs tələbələri üçün seminar keçirilib.
Helsinki Vətəndaş Assambleyası Azərbaycan Milli Komitəsinin
qərargahında 1 iyun Uşaqları Beynəlxalq müdafiə gününə həsr olunan
"Azərbaycanda uşaqların gələcəyi varmı?" mövzusunda dəyirmi masa
gerçəkləşdirilib.
"Kainat" Gənclik Mərkəzi Naxçıvan Muxtar Respublikasının
qədim tarixi mədəniyyəti, etnoqrafiyası ilə bağlı layihə həyata
keçirib.
"İnternyus"un Media Hüquqları İnstitutu "İnformasiya
azadlığı haqqında" alternativ qanun layihəsi hazırlayıb.
Avropa Şurası və insan hüquqlarına dair Avropa Komissiyasının
maliyyə dəstəyi, İqtisadi Hüquqi Maarifçilik Mərkəzinin təşəbbüsü
ilə Cənubi Qafqaz ölkələri ilə birgə proqram çərçivəsində "Hakimiyyət
strukturları və vətəndaş cəmiyyəti arasında əməkdaşlıq" mövzusunda
dəyirmi masa keçirilib.
Beynəlxalq Mətbuat Mərkəzində Hüquqşünaslar Forumunun
təşəbbüsü ilə "Azərbaycan Respublikasında qanunların qəbulu və tətbiqində
yaranan problemlər və onların həlli yolları" mövzusunda seminar
keçirilib.
QAT işğal olunmuş ərazilərin bələdiyyələrinin yaradılmasını təklif
edib.
"Dirçəliş" Gənclərin Sosial Psixoloji Reabilitasiya
Mərkəzi ANAMA işçi qrupunun tərkibində "Mina və partlamamış hərbi
sursatlardan zərər çəkənlərə yardım proqramı"nı həyata keçirib.
Yevlaxda əhaliyə pulsuz hüquqi xidmət göstərəcək
Hüquqi Məsləhət Mərkəzi açılıb.
Azərbaycan Sahibkarlar Konfederasiyasında sahibkarlıq
subyektlərində əmək qanunvericiliyinə əməl olunmasının aktual məsələlərinə
dair seminar keçirilib.
Gənc Hüquqşünaslar Birliyi İsveçin məşhur Lund Universiteti
İnsan Haqları və Humanitar Hüquq üzrə Raul Vollenberq İnstitutu
ilə birgə "İnsan hüquqları üzrə yay məktəbi" təşkil edib.
Gənc Hüquqşünaslar Birliyi ATƏT-in Bakı ofisinin
dəstəyi ilə "İnsan hüquqları üzrə hüquq klinikası" layihəsini həyata
keçirib.
Beynəlxalq Mətbuat Mərkəzində Azərbaycan Hüquqşünaslar
Forumunun təşkilatçılığı ilə Milli Məclisdə müzakirəyə çıxarılan
"Vəkillik haqqında qanuna əlavə və dəyişikliklər" layihəsinə həsr
edilən dəyirmi masa gerçəkləşdirilib.
Tacirlər və İstehsalçılar Birliyi duzun yodlaşdırılması
ilə bağlı layihə çərçivəsində dəyirmi masa keçirib.
"İnsan hüquqları XXI əsr - Azərbaycan" fondunun nəzdində
Hüquqi Məsləhət Mərkəzi yaradılıb. Mərkəz vətəndaşlara pulsuz hüquqi
məsləhət və digər yardımlar edəcək.
İtkin düşənlərin axtarışı, əsir və girovların azad
edilməsi üzrə Beynəlxalq İşçi Qrupu Dağlıq Qarabağa və Ermənistana
səfərini başa çatdırıb. Səfərdə qrupun Azərbaycan üzrə koordinatoru
Əvəz Həsənov da olub.
Parisdə yerləşən "Sərhədsiz reportyorlar" hüquq müdafiə
təşkilatı Naxçıvanda müstəqil jurnalistikanın müntəzəm təqibə məruz
qalmasına etiraz bildirib.
"Sahil" İnformasiya Texnologiyaları Mərkəzi Qarabağla
bağlı www.qarabah.az veb səhifəsini hazırlayıb.
Azərbaycan Respublikası Gənclər Təşkilatları Milli
Şurası talassemiya və hemofiliyalı xəstələr üçün qanvermə aksiyası
keçirib.
"Aydan" Azərbaycan Mədəniyyət Mərkəzi, Azərbaycan-Estoniya
Dostluq Cəmiyyəti və MQF Diaspora Mərkəzinin təşəbbüsü ilə Tallinn
evinin təsis edilməsi ilə bağlı mətbuat konfransı keçirilib.
Milli Kulinariya Mərkəzinin rəhbəri Tahir Əmiraslanlı
mətbuat konfransında Cənubi Koreyada keçirilən düyna kulinariya
çempionatında qurumun ikinci yerə çıxdığını bildirib.
"Saniyə" Humanitar İnformasiya Agentliyinin təşəbbüsü
ilə məktəblilərin rəsm və inşa əsərlərinin qaliblərini mükafatlandırma
mərasimi keçirilib.
Piyadalar əleyhinə minaların qadağan olunması uğrunda
Milli Kompaniyanın rəhbəri Hafiz Səfixanov mətbuat konfransında
"Mina qurbanlarının ehtiyaclarının öyrənilməsi" layihəsinin yekunları
və Kanadanın Türkiyə və Azərbaycandakı səfiri Mark Lirlə görüşləri
barədə məlumat verib.
Mətbuat Surasının dil komissiyası "Demokratiya və
dil demokratizmi. Qəzetin dil xüsusiyyətləri, may ayının hesabatı"
mövzusunda mətbuat konfransı keçirib.
QAT üzvləri NATO-nun "Sülh naminə tərəfdaşlıq" proqramı
çərçivəsində Bakıda keçiriləcək kofnransa erməni hərbçilərinin gəlmələrinə
etiraz edəcəklərini bildiriblər.
Beynəlxalq Mətbuat Mərkəzində keçirilən Azərbaycan
Hüquqşünaslar Forumunun ikinci toplantısında qurumun nizamnaməsinə
bir sıra dəyişikliklər edilib və qərarlar qəbul olunub.
"Təmiz dünya" İctimai Birliyi insan alveri ilə mübarizə
məqsədilə qəbul edilən milli fəaliyyət planı ilə bağlı təkliflərini
Milli Məclisə göndərib.
Miqrantlara Hüquqi Yardım Mərkəzi və Helsinki Vətəndaş
Assambleyası Azərbaycan Milli Komitəsi ilə birgə "Cənubi Qafqaz
ölkələrində sığınacaq məsələləri və bu sahədə beynəlxalq standartların
inkişafı" mövzusunda dəyirmi masa keçirib.
"QHT-hökumət münasibətləri: mövcud vəziyyət və QHT-nin
inkişafı üzrə dövlət proqramının qəbulu" mövzusunda dəyirmi masaya
hökumət və qeyri-hökumət təşkilatlarının nümayəndələri qatılıblar.
"Ehtiyatda və istefada olan zabitlər" İctimai Birliyi,
"Silahlı qüvvələrə demokratik vətəndaş nəzarəti" Azərbaycan Mərkəzi,
"Əsgər anaları" cəmiyyətinin təşəbbüsü ilə "Demokratik cəmiyyət
və ordu: sosial və hüquqi problemlər" mövzusunda dəyirmi masa keçirilib.
"Avropa" mehmanxanası qarşısında erməni zabitlərinin
Azərbaycana gəlməsinə etiraz olaraq QAT üzvləri aksiya keçirib.
"Ümidli Gələcək" Gənclər Təşkilatı və "Yuva" Humanitar
Mərkəzi Gürcüstanda fəaliyyət göstərən Məcburi Köçkün Qadınlar Assosiasiyası
və Helsinki Vətəndaş Assambleyası ilə birgə təhsil sahəsində "Sülh
naminə tədris: münaqişələrə son qoyaq, zorakılıqdan əl çəkək və
ədaləti bərqərar edək" layihəsinin icrasına başlanıb.
Güney Azərbaycan Milli Hərəkatı Müdafiə Komitəsi "Elçibəy və bütöv
Azərbaycan" mövzusunda dəyirmi masa keçirib.
Erməni zabitlərinin Bakıya gəlişinə etiraz edərək,
aksiya keçirən QAT üzvlərinə Cinayət Məcəlləsinin 221-ci maddəsi
ilə cinayət işi açılıb və onlar iki ay müddətinə həbs ediliblər.
Gürcü və Azəri Jurnalistlər Birliyinin sədri, "Yeni
düşüncə" qəzetinin baş redaktoru Niyazi Hüseynov mətbuat konfransı
keçirərək Gürcüstan hakimiyyəti tərəfindən qarşılaşdığı təzyiqlər
barədə məlumat verib.
Qaçqın və Məcburi Köçkün Gənclər Təşkilatının təşəbbüsü
ilə 26 iyun - Ordu gününə həsr edilən "Vətəni, torpağı, dövləti
qorumaq peşəsi hər bir peşədən üstündür" mövzusunda dəyirmi masa
keçirilib.
Parlament jurnalistləri İttifaqının bir yaşı qeyd
olunub. "Təmiz dünya" İctimai Birliyi qadınlara qarşı zorakılıq
faktları ilə bağlı mətbuatda gedən yazıların 3 aylıq monitorinqini
aparıb.
Hemofiliyalı Xəstələrin Respublika Assosiasiyası
hemofiliyalı xəstə uşaqların istirahətini təmin etməkdən ötrü 25
uşağın 10 günlük istirahəti üçün layihə həyata keçirib.
Gənclər Təşkilatlarının Milli Şurası quruma daxil
olan 8 təşkilatla birgə Xanlar rayonu ərazisində yerləşən Murovdağdakı
N saylı hərbi hissədə əsgərlərlə görüşüb.
Həbs olunan QAT üzvlərinin hüquqlarını müdafiə komitəsi
yaradılıb.
"Vətəndaş cəmiyyəti uğrunda" Müstəqil Məsləhət və
Yardım Mərkəzi yerli donorluğun inkişafı ilə bağlı bağlı layihə
hazırlayıb.
"Mübariz", "Mühafizəkar", "Azərbaycan sağlam inkişaf"
və "Sabah" gənclər təşkilatlarının birləşdiyi "Dayaq" Demokratik
Gənclər Koalisiyası təsis edilib.
"Yeni fikir" Gənclər Birliyi və Mediada İctimai Poblemləri
Araşdırma Mərkəzi təhsil sistemində rüşvətxorluq və korrupsiya faktlarının
araşdırılması ilə monitorinqin nəticələrini açıqlayıb.
Azərbaycan Marketinq Cəmiyyəti ölkədə bazar münasibətlərinin
ən aktual mövzuları üzrə interaktiv sorğular həyata keçirib.
Vətəndaş Təşəbbüsləri Mərkəzi CEE Bankwach, Bank
İnformation Center təşkilatları ilə birgə "Beynəlxalq Maliyyə Qurumlarının
Azərbaycanda fəaliyyəti" mövzusunda seminar keçirib.
Hüquq Maarifçiliyi Cəmiyyəti ictimai maraqların müdafiəsi
layihəsi çərçivəsində "QHT-nin inkişafı üçün əlverişli mühitin yaradılması"
mövzusunda növbəti müsabiqə elan edib.
"Ziya" Hüquqi və Sosioloji Araşdırmalar Cəmiyyəti
Avrasiya Fondunun maliyyə dəstəyi ilə bələdiyyələrə pulsuz hüquq
yardım layihəsinin icrasına başlayıb.
Hüquq Maarifçiliyi Cəmiyyəti ABŞ-ın Demokratiyaya
Dəstək Fondunun yardımı ilə ictimai maraqların müdafiəsi üzrə trenerlərin
hazırlanması, regionlarda maarifləndirici təlim kurslarının keçirilməsi,
iki ali təhsil müəssisəsinin hüquq fakültələrində qeyri-kommersiya
hüququ fənninin tədrisi və digər istiqamətlər nəzərdə tutulan yeni
layihənin icrasına başlayıb.
Hazırladı:
Günel Səmədova
|
